Kung Paano Nagkagulo at Nataranta Ang Mga Bakla na Tiga-UP, Ateneo, at DLSU 1

Meron akong kabarkada dati na isang grupo ng mga bading na tiga-UP, Ateneo, at DLSU. Actually, different sets of friends ko sila, pero mabuti na lang naipaghalo ko rin sila eventually (menos gastos at oras). Madalas, ang ideya namin ng gimik ay tipong dinner tapos kape kung saan saan. Minsan, kung naayos namin ang aming mga schedules, e nagtatago kami sa Laguna kung saan meron rest house yung kaisa-isang straight guy sa grupo namin (wag nyo nang tanugin kung bakit sya nasama sa amin. Sabihin na lang natin sya yung token na straight stag ng grupo).

Hindi ko alam kung bakit, pero isang gabi napagkasunduan namin na tumambay sa Shang Mall. Kakatapos lang namin ng ensayo, at medyo may kagutuman na ang mga tao. Hindi naman kami pihikan talaga kung saan at ano (at sino) ang kakainin namin, pero ang numero unong requirement e dapat may smoking area. So, sa madaling salita, napadpad kami sa Via Mare, at doon kami naupo sa kinalalagyan ng mga pugon.

UP1: Waiteeeeeeer! Ang menu!!! Gutom na kami.
Eternal Wanderer: Wag ka ngang balahura. Napaghahalataan ang pagiging palengkera mo.
UP1: E ano ngayon? E sa gutom na ako e!

Dali-dali lumabas yung isang waiter at binigyan kami ng menu. May mga ilang minutong nakalipas, at habang tumitingin ako sa mga nakalistang pagkain, e narinig kong may lumapit na waiter. Tumahimik ang mga bakla, pero nakatingin pa rin ako sa menu.

Waiter: Sir, can I take your order?
EW: Sure...can I have (sabay tingin sa waiter)...

Kung Paano Nagkagulo at Nataranta Ang Mga Bakla na Tiga-UP, Ateneo, at DLSU 2